Дәрігер отандасымызға рингке шығуға шектеу қойды
Софияда (Болгария) өтіп жатқан бокстан Странджа кубогінде қазақстандық Махмұд Сабырхан рингке шықпайтын болды.
Отандасымыз осы жарысқа 54 келіде өнер көрсетуге келген. Бірақ дәрігер шешімімен ол жарыстан тыс қалды.
«Тағамдық инфекция. 3 наурызға дейін жарыстарға қатыспайды», - делінген медициналық анықтамада.
Айта кетейік, Махмұд егер финалға жеткенде өзбекстандық екі дүркін Олимпиада чемпионы Хасанбой Дусматовпен кездесуі мүмкін еді. Өзбек боксшысы бұл жарысқа жаңа салмақта келді.
Еске салсақ, Дусматов Сабырханмен бұрын-сонды кездеспеген. Ал Сәкен Бибосыновпен 4 рет жолығып, үшеуінде басым түскен.
