Әзірге қазақстандық екі боксшы жеңіп, екеуі жеңілді
Бразилияда өтіп жатқан бокстан Әлем кубогінде Қазақстан ерлер құрамасының тағы бір өкілі жеңіліп қалды. Бұл жолы 50 кг салмақта өнер көрсеткен Нұрзат Оңғаров өзбек боксшысына есе жіберді.
Талғат жарысты 1/4 финалдан бастаған. Алғашқы жекпе-жекте ол өзбек Асилбек Жалиловтан 0:5 есебімен жеңілді.
Осылайша Әлем кубогіне барған Қазақстан ерлер құрамасының екі боксшысы жарыс жолынан шығып қалды. Бұған дейін 60 кг салмақта өнер көрсеткен Талғат Сырымбетов бразилиялық боксшыдан ойсырай жеңілген болатын.
Ал, аса ауыр салмақтағы Даниял Сапарбай кеше үндістандық Нарендераны 3:2 есебімен жеңіп, жартылай финалға шықты. Финалдық жолдаманы ол өзбек боксшысы Жахонгир Зокировпен сарапқа салады.
Айта кетейік, Бразилиядағы Әлем кубогін World Boxing ұйымы өткізіп жатыр. Жарыстың екінші кезеңі 30 маусым – 7 шілде аралығында Астанада өтеді.
