Бұл жекпе-жек ең тартымсыз айқас деген атаққа ие болды
Аса ауыр салмақта өнер көрсететін қазақстандық Иван Дычко (15-1, 14 КО) Лас-Вегаста өтіп жатқан бокс кешінде жеңіліп қалды. Бұл – оның мансабындағы алғашқы жеңіліс.
Отандасымыздың қарсыласы америкалық Джермейн Франклин (24-2, 15 КО) болды. 10 раундқа жоспарланған жекпе-жек соңына дейін өтіп, төрешілер жеңісті 96-93, 95-94, 97-92 есебін тіркеді.
Бұл кездесу Сауль Альварес – Теренс Кроуфорд жекпе-жегінің картында өткені белгілі және осы кештің ең тартымсыз айқасы деген мәртебеге де ие болды. Боксшылар жиі клинчке барып, уақыттың көп бөлігін соққысыз өткізді. Салдарынан аренадағы жанкүйерлер наразылық білдіріп, жиі гуілдеп жатты. Десе де, бокс сарапшылары Дычконың жеңілмегенін, оған төрешілер тарапынан қиянат жасалғанын айтуда.
Қазақстандық боксшы кәсіпқой рингте 15 рет жеңіске жетіп, оның 14-де нокаут тіркеген. Әуесқой бокста ол Олимпиада ойындарының қола жүлдегері атанған еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
