УЕФА: Қалмұрзаны қапы қалдыру оңай болған жоқ
Алматылық «Қайрат» Чемпиондар лигасының жалпы кезеңіндегі алғашқы матчында Лиссабонда Португалияның «Спортингіне» 1:4 есебімен жол берді. Дебюттік кездесуде жас қақпашы Шерхан Қалмұрза ерекше көзге түсті. Тіпті, португалиялықтардың капитаны Мортен Юльманн орындаған пенальтиді тойтару арқылы өз командасын біраз уақыт бойы қорғап тұрды.
УЕФА матчты талдай отырып, «Қайраттың» алғашқы ойынын атап өтті:
«Спортинг» тағы да, былтырғыдай, жалпы кезеңді өз алаңындағы сенімді жеңіспен бастады. Жалпы кезеңдегі дебютін өткізген „Қайрат“ қақпасында 18 жастағы Қалмұрзаның тамаша ойынының арқасында біраз уақыт бойы гол жібермей тұрды. Бұл көрсеткіш өткен маусымда Лиссабонда бірінші турда ойнаған француздық «Лилльдің» нәтижесінен де асып түсті. «Спортинг» әрдайым келесі кезеңге өтуді мақсат етеді, алайда алматылықтарға да алдағы ойындарда өз еңбегімен келген сәттілік серік болсын», — деп жазады сайт.
Сонымен бірге, басылым қақпашы Шерхан Қалмұрзаға жеке тоқталды:
«Тринкауға жас қақпашы Қалмұрзаны қапы қалдыру оңай болған жоқ, ал Юльманн пенальтиді жүзеге асыра алмады. Үзілістен кейін қонақтар ойынға сергек оралғанымен, үш минут ішінде қатарынан үш гол өткізіп, үмітін үзді. Дегенмен қосалқы құрамнан шыққан Эдмилсон гол соғып үлгерді», - делінген УЕФА сайтындағы жазбада.
Айта кетейік, алматылық «Қайрат» Чемпиондар лигасының негізгі кезеңіндегі алғашқы ойынында Португалияның «Спортингінен» сырт алаңда ірі есеппен ұтылды. Ойын Лиссабондағы «Жозе Алваладе» стадионында өтіп, алаң иелерінің пайдасына 4:1 есебімен аяқталды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
