Жарты сағатта аяқталатын операция үш сағатқа созылған
Бразилия құрамасының сапында футболдан әлем чемпионы атанған Роберто Карлос жүрек ауруына байланысты ауруханаға түсіп, ота жасатты. Бұл туралы AS басылымы жазды.
Мадридтік «Реалдың» 52 жастағы бұрынғы қорғаушысы туған елінде демалыста жүрген. Алдымен ол аяғына медициналық тексеруден өтіп, шағын тромб анықталған. Осыдан кейін жүргізілген МРТ тексерісі футболшының жүрек жұмысында кінәрат бар екенін көрсеткен.
Осыған байланысты Роберто Карлос шұғыл түрде ауруханаға жатқызылып, катетер орнату операциясы жасалған. AS мәліметінше, әдетте 40 минутқа созылатын бұл процедура асқынулар салдарынан шамамен үш сағатқа дейін ұзарған.
Дәрігерлердің айтуынша, қазір Роберто Карлостың өмірі мен денсаулығына қауіп төніп тұрған жоқ.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
