«Қалалықтар» Лондонға реванш үшін аттанады, Бильбаода — баск дербиі күтіп тұр

Англия. Премьер-лига. 24-тур. «Тоттенхэм» – «Манчестер Сити»
1 ақпан, 21:30 (Астана уақыты)

Англия Премьер-лигасының 24-турының орталық ойынында «Тоттенхэм» өз алаңында «Манчестер Ситиді» қабылдайды.

Olimpbet сарапшылары Лондондағы матчта «қалалықтарды» сөзсіз фаворит деп есептейді. Олардың пайымдауынша, қонақтардың жеңіске жету ықтималдығы алаң иелеріне қарағанда шамамен үш есе жоғары.

Турнирлік жағдай

Өткен аптада манчестерліктер «Арсеналдың» «МЮ»-мен ойындағы сүрінуін тиімді пайдаланып, турнир кестесінің төменгі жағындағы «Вулверхэмптонды» (2:0) сенімді түрде жеңді де, көшбасшыдан қалып қойған айырмашылықты төрт ұпайға дейін қысқартты. «Сити» «Астон Вилламен» бірге екінші орынды бөлісіп отыр, бірақ қосымша көрсеткіштер бойынша бирмингемдік клубтан алда.

Ал елордалық команда АПЛ-де бес матч қатарынан жеңіске жете алмай, сол кездесулерде бар болғаны үш ұпай ғана жинады. Қазір «шпорлар» Чемпиондар лигасы аймағынан гөрі төменгі лигаға түсетін аймаққа жақынырақ орналасқан. Ал тікелей кездесудің алдында «Хотспурдың» «Ситиден» қалып келе жатқан айырмашылығы – 18 ұпай.

Статистика

Пеп Гвардиола шәкірттері лигадағы ең қуатты шабуылға ие – олардың еншісінде 47 гол бар. «Ситидің» қорғанысы да сенімді: өз қақпасына небәрі 21 гол жіберген. Осылайша, доп айырмасы бойынша АПЛ-дегі ең үздік көрсеткіш – +26.

«Тоттенхэм» 33 гол соғып, 31 гол өткізіп алған. Қызығы, турнир кестесінің екінші жартысында жүрсе де, лондондықтардың доп айырмасы оң көрсеткіште.

«Қалалықтар» «шпорлардан» орта есеппен соққылар саны (14,39 – 10,96), қақпаға дәл соққылар (5 – 3,96), бұрыштамалар  (5,61 – 5,35) және допқа иелік ету (59,61 % – 52,3 %) бойынша айқын басымдыққа ие.

Қарсыласу тарихы

Бұл тосын көрінуі мүмкін, алайда қос клубтың өзара кездесулеріндегі жалпы көрсеткіштері шамалас. Англия чемпионатында екі команда да 58 реттен жеңіске жеткен, 33 матч тең аяқталған.

Соңғы жылдары да «Тоттенхэм» АПЛ көшбасшыларының бірімен бәсекеде қалыс қалып жүрген жоқ. Соңғы он кездесудің төртеуінде «Сити», бесеуінде «шпорлар» жеңіске жетсе, бір матч тең аяқталған.

Ағымдағы маусымның бірінші айналымындағы ойын да «Хотспурдың» пайдасына шешілді – лондондықтар сырт алаңда 2:0 есебімен жеңіске жетті.

Қорытынды

Olimpbet сарапшылары «Манчестер Ситидің» АПЛ-2025/26 маусымының екінші турындағы жеңіліс үшін реванш алуға толық негізі бар деген пікірде. Олар «қалалықтар» бұл матчта міндетті түрде гол соғады және, ең ықтимал сценарий бойынша, кемінде екі рет мергендік танытады деп болжайды.

Ал, голдың ең ықтимал авторы ретінде норвегиялық шабуылшы, лиганың үздік сұрмергені Эрлинг Холанд аталады.

Испания. Ла Лига. 22-тур. «Атлетик» – «Реал Сосьедад»
2 ақпан, 01:00

Турнир кестесінің ортасында тұрған екі команданың ойыны турдың басты матчына айналуы мүмкін бе? Бильбаода өтетін жергілікті «Атлетик» пен Сан-Себастьянның «Реал Сосьедады» арасындағы текетірес – дәл сондай матч. Себебі бұл – баск дербиі.

Olimpbet сарапшылары алдағы кездесуде алаң иелерінің сәтті нәтиже көрсету мүмкіндігі жоғары деп есептейді және олардың гол соғатынына күмән келтірмейді.

Турнирлік жағдай

Баск елінің қос көршісі бұл маусымда өз мүмкіндігі мен амбициясынан төмен деңгейде өнер көрсетіп жүр.

«Реал Сосьедад» турнир кестесінде сегізінші орында ғана келеді және көшбасшы «Барселонадан» 25 ұпайға қалып отыр. Дегенмен, жуырда сансебастьяндықтар дәл осы «Барсаны» өз алаңында ұтып кетті.

Ал «Атлетик» көршілерінен үш ұпайға ғана қалып келеді, яғни өз алаңындағы жеңіс жағдайында «арыстандар» «ақ-көгілдірлермен» теңесуі мүмкін.

Алайда Бильбао клубының соңғы бес Ла Лига матчында бірде-бір рет жеңіске жетпегенін ескеру керек (төрт жеңіліс, бір тең ойын). Ал «Сосьедад», керісінше, осы аралықта бірде-бір рет жеңілмей, соңғы үш турда қатарынан жеңіске жетті.

Бұған қоса, өткен сәрсенбіде «Атлетик» Чемпиондар лигасынан сүреңсіз түрде ұшып – өз алаңында «Спортингке» 2:3 есебімен жол берді. Сондықтан дербиге «арыстандар» жаман көңіл күймен келіп отыр.

Статистика

Пеллегрино Матераццо жаттықтыратын команда 29 гол соғып, дәл сонша гол жіберген.

Эрнесто Вальверде шәкірттеріне гол соғу өте қиынға соғып жүр: 21 турдың қорытындысы бойынша «Атлетиктің» еншісінде бар болғаны 20 гол. Сонымен қатар, олар өз қақпасына да аз гол жібермей отыр – 30 рет доптарын қақпадан алып шыққан.

Сондықтан «Атлетиктің» соққылар саны бойынша «Реал Сосьедадтан» басым болуы (орта есеппен 12,76 – 12,24) таңғалдырмай қоймайды. Алайда дәлдік жағынан сансебастьяндықтар алда – қақпаға дәл соққылар саны 4,9 – 4,48.

Сондай-ақ «реалистер» бұрыштамалар саны бойынша да басым (6,14 – 5,67), ал допқа иелік ету көрсеткіші шамалас – 49,95 % пен 49,33 % («ақ-көгілдірлердің» пайдасына).

Қарсыласу тарихы

Соңғы уақытта екі тараптың да айқын басымдығы жоқ. Соңғы он матчтың төртеуінде Бильбао клубы жеңіске жетсе, үш кездесуде Сан-Себастьян командасы үстем болды, тағы үш ойын тең аяқталды.

Алайда бір қызықты жайт бар: баск дербиінде алаң факторы шешуші рөл атқарады. Қонақтар бұл қарсыластықта бес жылдан астам уақыт бойы жеңіске жете алмай келеді. Соңғы рет 2020 жылдың 31 желтоқсанында «Реал Сосьедад» «Сан-Маместе» 1:0 есебімен жеңген.

Ол кезде коронавирус індеті өршіп тұрғандықтан, матчтар көрерменсіз өткен еді. Бұл өз алаңының артықшылығын іс жүзінде жоққа шығарған болатын.

Құрам мәселелері

Екі команданың да айтарлықтай кадрлық проблемалар бар. Алаң иелерінің негізгі қорғаушысы Эмерик Лапорт жарақатына байланысты бір айдан астам уақыт бойы ойнай алмай жүр. Қонақтар сапында да жарақат алған жапониялық «мотор» Такефуса Кубо «Барселонаға» қарсы өткен соңғы матчта жарақат алып, бұл ойында көмектесе алмайды.

Сонымен қатар, екі клубтан да бір-бір қорғаушы дисквалификацияланған: «Атлетикте» – Иньиго Лекуэ, «Сосьедадта» – Дуэ Чалета-Цар.

Қорытынды

Olimpbet аналитиктері бұл дерби «арыстандардың» дағдарыстан шығуының бастауы болады деп сенеді және «Атлетиктің» жеңісіне үміт артады.

Сонымен қатар, «Сан-Мамес» аренасындағы матчта бұрыштамадан көтерілетін доптар саны бойынша да алаң иелері фаворит саналады – олардың саны кемінде тоғыз болады деп күтілуде.