Роналдуды алты айға дейін құрамадан шеттетуі мүмкін
Криштиану Роналду Португалия құрамасының орналасқан жерінен өз бетінше кеткені үшін алты айға дейін ұлттық құрама ойындарынан шеттетілуі мүмкін. Сонымен қатар оған 500-ден 1000 еуроға дейін айыппұл салынуы ықтимал. Бұл Португалия футбол федерациясының (FPF) тәртіптік регламентінде қарастырылған.
A Bola басылымының жазуынша, ұлттық құрамаға шақырылған ойыншы жаттығуды, матчты немесе ұлттық командаға қатысты іс-шараны негізсіз тастап кетсе, бір айдан алты айға дейін шеттетіледі. Кәсіби футболшыларға бұған қоса 500-1000 еуро көлемінде айыппұл салынады.
Роналду 30 қыркүйекте Португалия құрамасының орналасқан жерінен кету туралы шешім қабылдағанын өзі растады. Ол бұл қадамын бас бапкер Жорже Жезуштің баспасөз мәслихатынан кейін және федерация президенті Педру Проэнсамен сөйлескен соң қабылдағанын мәлімдеді.
Оқиға Жезуштің Роналдудың Данияға қарсы Ұлттар лигасындағы матчты негізгі құрамда бастамайтынын хабарлауынан кейін болды. Кейін футболшы жаттығуға қатыспай, Копенгагеннен жеке ұшағымен кетіп қалған.
Алайда Роналдудың нақты қандай да бір жазаға тартылатыны әзірге белгісіз. Регламентте көрсетілген санкциялар осы бап бойынша қарастырылған ықтимал шаралар болып табылады.
Бұған дейін Роналдудың ұлттық құрамадағы мансабын 2026 жылғы әлем чемпионатынан кейін аяқтауы мүмкін екені туралы ақпарат тараған еді. Ал футболшының өзі құрамадан кетуінің себептерін «уақыты келгенде» айтатынын мәлімдеді.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
