Ол шабуылшының айналасында өзіне ұнайтын сөздерді ғана айтатын адамдар көбейгенін айтты
Португалиялық шабуылшы Криштиану Роналду мен бапкер Жорже Жезус арасындағы келіспеушілікке байланысты жаңа мәлімдеме жасалды. Жезустың адвокаты Луис Мигел Энрике футболшының жеке статистикаға шамадан тыс мән беруін сынға алып, мұндай әрекеті оның мансабында қалыптастырған беделіне нұқсан келтіруі мүмкін екенін айтты. Бұл туралы Cabine Desportiva басылымы жазды.
Адвокаттың пікірінше, Роналду соңғы әрекеттері арқылы жанкүйерлердің оның футболға сіңірген еңбегін қалай қабылдайтынына кері әсер етіп отыр. Ол шабуылшының айналасында өзіне ұнайтын сөздерді ғана айтатын адамдар көбейгенін де атап өтті.
«Криштиану Роналду өз әрекетімен, мінез-құлқымен және белгілі бір статистикалық көрсеткіштерге шектен тыс әуестенуімен бұрын ешбір қарсыласы істей алмаған нәрсеге қол жеткізіп жатыр: оның бізге сыйлаған барлық жақсылығын есте сақтау қабілетімізге нұқсан келтіруде. Ол барған сайын өзіне естігісі келгенді айтатын адамдармен көбірек қоршалып, естуі қажет нәрсені айтатын адамдардан алыстап барады. Құдайлар мен автократтардың тағдыры осындай: олар Олимпте айналармен қоршалып, жалғыз қалады», – деді Луис Мигел Энрике.
Айта кетейік, бұл келіспеушілік Португалия құрамасының Норвегияға қарсы матчынан кейін өршіген. Роналду кездесуді қосалқы құрамда бастаған соң, ұлттық құраманың орналасқан жерінен кетіп қалған. Бұл жағдай футболшының әрекетіне қатысты пікірталас туғызды.
Кейін шабуылшы өз әрекеті үшін кешірім сұрады. Ал Португалия футбол федерациясы Роналдуға қатысты тәртіптік тергеу бастады.
Жезустың адвокатының мәлімдемесі футболшының әрекеті мен оның жеке статистикаға деген көзқарасы қызу талқыланып жатқан тұста жарияланды.
Ордабасы
Қайрат
Астана
Ақтөбе
Оқжетпес
Елімай
Тобыл
Ұлытау
Жеңіс
Каспий
Қызылжар
Атырау
Ертіс
Қайсар
Алтай
Жетісу
