Бұған дейін корольдік клуб «Романы» дәл осылай жеңген еді
Чемпиондар лигасы топтық кезеңінің төртінші турында мадридтік «Реал» АЕК-ке қонаққа барып, 3:2 есебімен жеңіске жетті. Матч соңына дейін жеңіліп тұрған корольдік клуб соңғы минуттарда камбэк жасады.
Матч есебін алаң иелері ашқан. 12-минутта АЕК жартылай қорғаушысы Абубакари Койта дәл соққысымен көзге түссе, 32-минутта Джуд Беллингем таразы басын теңестіріп кетті.
Екінші таймда грек командасы тағы да алға шыққан. 75-минутта «Реал» қақпасына Ставрос Пилиос гол соқты. Арада үш минут өткенде Килиан Мбаппе қанжығасын майласа, 90+2 минутта Федерико Вальверде жеңіс голын соқты.
Осылайша төрт ойында да жеңіске жеткен «Реал Мадрид» 12 ұпаймен турнирлік кестенің екінші сатысына көтерілді. Ал, АЕК болса небәрі үш ұпай жинап, 30-орынға жайғасқан.
Еске салайық, Чемпиондар лигасының екінші турында «Реал» «Ромаға» қонаққа барып, ерекше камбэк жасаған еді. 1:3 есебімен жеңіліп тұрған Моуринью шәкірттері матч бітуге жеті минут қалғанда үш бірдей гол соғып, жеңісті жұлып әкетті.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
