Алматының «Қайратын» Италияда күрделі сынақ күтіп тұр – Olimpbet сараптамасы

УЕФА Конференциялар лигасы. Жалпы кезең. Үшінші тур.
«Аталанта» (Италия) – «Қайрат» (Қазақстан). 5 қараша, 22:45 (Астана уақытымен).

Қазақстанның вице-чемпионы еурокубоктардың үшінші деңгейдегі турнирінің жалпы кезеңіндегі үшінші кездесуін Бергамо қаласында өткізеді.

Olimpbet сарапшылары «Қайратқа» қарсы ойында «Аталантаны» айқын фаворит санайды. Олардың пікірінше, алаң иелерінің төрт доп айырмасымен ірі жеңіске жету ықтималдығы қонақтардың кем дегенде тең нәтижеге қол жеткізу мүмкіндігінен де жоғары.

Турнирлік жағдай

Италиялық команда 2026/27 жылғы Конференциялар лигасының жалпы кезеңін сәтті бастады. Алғашқы ойында өз алаңында Кипрдің «Пафос» клубын сенімді түрде жеңді (3:1). Алайда келесі турда «қара-көктер» Амстердамда «Аякстан» 0:2 есебімен жеңіліп, турнир кестесінің екінші ондығының ортасында қалып қойды.

Ал «Қайраттың» жағдайы әлдеқайда күрделі. Алматылықтар алғашқы кездесуде сырт алаңда «Ригамен» 1:1 есебімен тең ойнағанымен, екінші турда өз алаңында «Панатинаикостан» 0:5 есебімен ойсырай жеңілді.

Екі турда бір ғана ұпай жинаған «сары-қаралар» плей-офф аймағынан тыс қалып отыр. Айта кетейік, келесі кезеңге 24 команда жолдама алады.

Статистика

«Аталанта» «Қайратқа» қарағанда көбірек гол соққан (3:1) және өз қақпасына екі есе аз доп жіберген (3:6).

Дегенмен басқа статистикалық көрсеткіштер бойынша италиялықтардың басымдығы аса үлкен емес. Орта есеппен бір матчта қақпаға бағытталған соққылар саны – 14,5 және 13, дәл соққылар – 4 және 3, ал бұрыштама доптар – 6 және 4.

Есесіне А сериясының өкілі допқа иелік ету көрсеткіші бойынша Қазақстан Премьер-лигасының күміс жүлдегерінен айтарлықтай басым. «Аталанта» ойын уақытының 54 пайызында допты бақыласа, «Қайраттың» көрсеткіші небәрі 39 пайызды құрайды.

Тәртіп

Конференциялар лигасының жалпы кезеңінде «Аталанта» футболшылары екі сары қағаз алды. Оның екеуі де «Аякспен» өткен кездесуде көрсетілген.

Ал «Қайрат» ойыншылары екі матчта бес сары қағаз жинап үлгерді. Әзірге 2026/27 жылғы турнирде екі команданың да құрамынан алаңнан қуылған футболшы жоқ.

Соңғы матчтар

Өткен сенбіде «Қайрат» Қазақстандағы футбол маусымын аяқтады. Турнирлік тұрғыдан ешқандай маңызы болмаған соңғы кездесуде алматылықтар өз алаңында Өскеменнің «Алтай» командасымен 1:1 есебімен тең түсті.

Ал «Аталанта» үшін Италия чемпионаты қызған шағында. Алайда Бергамо клубының ішкі біріншіліктегі жағдайы көңіл көншітпейді.

Маурицио Сарри шәкірттері А сериясында қатарынан төрт тур бойы жеңіске жете алмай келеді. Өткен демалыста «қара-көктер» өз алаңында «Пармадан» 0:3 есебімен ойсырай жеңіліп, турнир кестесінде 13-орынға төмендеді.

Болжам

Соған қарамастан, Olimpbet сарапшылары «Аталантаның» жеңіске жететініне күмән келтірмейді. Олардың болжамынша, алаң иелері бірінші тайм аяқталғанға дейін есеп ашып, екі таймда да гол соғады.

Сондай-ақ матчта кемінде тоғыз бұрыштама добы орындалады деп күтілуде. Бұл көрсеткіш бойынша да италиялық клубқа айқын басымдық беріліп отыр.

«Хетафе» (Испания) – «Брайтон энд Хоув Альбион» (Англия). 6 қараша, 01:00

Конференциялар лигасының үшінші турындағы басты кездесулердің бірі Мадридте өтеді. Жергілікті «Хетафе» өз алаңында Англияның «Брайтон» командасын қабылдайды.

Olimpbet сарапшылары бұл кездесуде ағылшын клубын айқын фаворит деп есептейді. Олардың пікірінше, қонақтардың жеңіске жету мүмкіндігі алаң иелеріне қарағанда шамамен төрт есе жоғары.

Турнирлік жағдай

Испания астанасының клубы 2026/27 жылғы Конференциялар лигасында әзірге жоғары нәтиже көрсете алмай жүр.

Жалпы кезеңнің алғашқы екі матчында «Хетафе» небәрі бір ұпай жинады. Бұл ұпай турнирдің бірінші турында Румынияның «Университатя» командасымен сырт алаңда 1:1 есебімен тең түскен кездесуде еншіленді.

Ал келесі ойында Хосе Бордалас шәкірттері өз алаңында Швейцарияның «Лугано» клубынан 2:5 есебімен ірі жеңіліске ұшырады. Бір қызығы, мадридтіктер сол матчтың екінші минутында-ақ есеп ашқан болатын.

Екі турдың қорытындысы бойынша «Хетафе» Конференциялар лигасының плей-офф аймағынан тыс қалып отыр.

Ал «шағалалардың» жағдайы әлдеқайда жақсы. «Брайтон» төрт ұпай жинап, турнир кестесінде тоғызыншы орынға жайғасқан.

Алғашқы матчында ағылшын клубы өз алаңында Литваның «Кауно Жальгирис» командасын 4:0 есебімен ойсырата жеңді. Алайда келесі турда Чехияның «Яблонец» клубын сырт алаңда ұта алмады – 0:0.

Бір қызығы, сол кездесуде ағылшындар ойын уақытының 72 пайызында допқа иелік еткен.

Статистика

«Брайтон» «Хетафеге» қарағанда көбірек гол соққан (4:3) және әзірге өз қақпасына бірде-бір доп жібермеген. Ал мадридтіктердің қақпасына алты гол соғылған.

Ағылшын клубы соққылар саны бойынша да айтарлықтай басымдыққа ие. Орта есеппен бір матчта «Брайтон» 26,75 соққы жасаса, «Хетафенің» көрсеткіші – 16.

Допқа иелік ету көрсеткішінде де айырмашылық үлкен: 74 пайызға қарсы 54,5 пайыз.

Ал қақпаға дәл бағытталған соққылар бойынша басымдық салыстырмалы түрде аздау – 6,25 және 5. Бұрыштама доптар саны бойынша да ағылшындар алда – 9,5 және 6,75.

Соңғы матчтар

«Шағалалар» Англия Премьер-лигасының өткен турын тамаша өткізді. Олар сырт алаңда «Манчестер Ситиді» 1:0 есебімен жеңіп, қарсыласын чемпионат көшбасшылығынан айырды. Ал өздері турнир кестесіндегі үшінші орнын нығайтты.

«Хетафе» де Испания чемпионатындағы соңғы кездесуін сәтті аяқтады. Ла Лиганың 11-турында мадридтіктер өз алаңында «Севильяны» 3:1 есебімен жеңді.

Дегенмен бұл жеңіс елордалық команданың турнир кестесіндегі жағдайын айтарлықтай жақсарта алған жоқ. «Хетафе» әлі де алғашқы ондыққа кірмейді.

Болжам

Olimpbet сарапшылары «Колисеум» стадионында өтетін кездесудің нәтижелілігіне қатысты нақты бір нұсқаға басымдық бермейді. Олардың бағалауынша, матчта голдың аз да, көп те соғылу ықтималдығы шамалас.

Соған қарамастан, сарапшылар «Брайтон» кемінде екі гол соғады деген болжамға көбірек сенім артады.

Мадридтегі кездесуде бұрыштама доптар саны тоғыздан аспайды деп күтілуде. Бұл көрсеткіш бойынша да қонақтарға айтарлықтай басымдық берілген.