39 жастағы футболшы матчтарға қатыспай, тәлімгер болуы мүмкін
Аргентина құрамасының бұрынғы шабуылшысы Лионель Месси 2028 жылғы Америка кубогында ұлттық команда сапына тәлімгер ретінде қайта қосылуы мүмкін.
39 жастағы футболшы матчтарға қатыспай, мінберден жас ойыншыларға өз тәжірибесімен бөлісіп, көшбасшылық қасиеттерін көрсетуге көмектеседі. Оның бұл рөлі Аргентина құрамасының 2022 жылғы әлем чемпионатындағы жеңісіне үлес қосқан Серхио Агуэроның қызметімен салыстырылып отыр. Ол кезде бұрынғы шабуылшы командаға ойыншы ретінде емес, рухани қолдау көрсетуші ретінде көмектескен.
Айта кетейік, Мессидің Аргентина құрамасындағы қоштасу матчы 7 қазанда өтті. Сол кездесуде аргентиналықтар Бенин құрамасын 3:0 есебімен жеңді. Мессидің өзі бір гол соғып, екі нәтижелі пас берді.
Ұлттық құрама сапындағы мансабын 2005 жылы бастаған Месси 2022 жылы әлем чемпионы, сол жылы Финалиссима жеңімпазы атанды. Сонымен қатар 2021 және 2024 жылдары Америка кубогын жеңіп алды.
Аргентина құрамасы сапында 208 матч өткізген жұлдызды футболшы 126 голдың авторы атанды.