![«Боруссия» өз алаңында ПСЖ-ны жеңіп, Чемпиондар лигасының финалына жақындай түсті](https://1bol.kz/cache/imagine/1200/uploads/news/2024/05/01/6632af5a1bcac917402203.jpg)
Дортмундтық команда соңғы рет 11 жыл бұрын жартылай финалда өнер көрсеткен
Еуропа Чемпиондар лигасының жартылай финалдық алғашқы ойындары аяқталды. Кеше «Бавария» мен «Реал» 2:2 есебімен тең тарқасса, бүгін дортмундтық «Боруссия» өз алаңында ПСЖ-ны 1:0 есебімен жеңді.
Матчта небәрі бір гол соғылғанына қарамастан, кездесу өте тартысты әрі қауіпті сәттерге толы болды. 36-минутта неміс командасы қорғаушысы Нико Шлоттербектің алыстан асырған пасына бірінші жеткен Никлас Фюллькруг есеп ашты. Бұл есеп матч соңына дейін сақталды.
Қарымта ойын Парижде 7 мамырда өтеді.
Айта кету керек, «Боруссия» араға 11 жыл салып Чемпиондар лигасының жартылай финалында қайта өнер көрсетіп жатыр. Ширек финалда олар Мадридтің «Атлетикосын» жеңген болатын.