Біздің Telegram-ға жазылсаң, ақша ұта аласың! Сыйақы 5000 теңге! 👉

Қазақстан құрамасы жеңілді, бірақ ЕУРО-ға баратын мүмкіндік әлі бар

21.11.2023, 09:48

2024 жылдың көктемінде Ұлттар Лигасының финалдық кездесулері болады

Қазақстан құрамасы жеңілді, бірақ ЕУРО-ға баратын мүмкіндік әлі бар
Чемпионат.ру

Словениядан сырт алаңда жеңіліп, іріктеу тобынан шыға алмаған Қазақстан құрамасы Еуропа чемпионатына қатысу мүмкіндігінен әлі де толық айрылған жоқ.

Айта кетейік, Магомед Адиев шәкірттері EURO-2024 іріктеу ойындары аясында «H» тобында екінші жолдама үшін Словениямен таласқан еді. Люблянада өткен ойында біздің футболшылар 1:2 есебімен жеңілді. 

Осылайша келер жылы өтетін құрлық жарысына 22 ұпайдан жинаған Дания мен Словения барады. Ал, Қазақстан 18 ұпаймен топта төртінші орынға тұрақтады. Үшінші орында – Финляндия.

Енді Қазақстан құрамасы Ұлттар Лигасы аясында берілетін тағы бір жолдамаға келер жылы таласады. Ол жақта «C» тобында өнер көрсеткен жерлестеріміз жартылай финалда Грекиямен матч өткізеді. Ұтқан жағдайда финалда Грузия – Люксембург жұбының қай жеңгенімен ойнаймыз. Жеңімпазға Еуропа чемпионатына жолдама беріледі.

Айта кетейік, осы іріктеу ойындарында Қазақстан құрамасы 10 ойын өткізіп, оның алтауында жеңіске жетті, төртеуінде жеңілді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам