Футболшы Ұлттық құраманың маңызды екі ойынына қатыса алмауы мүмкін
Футболдан Қазақстан ұлттық құрамасының жартылай қорғаушысы Бауыржан Исламхан отбасымен бірге Тараз-Шымкент трассасында жол көлік оқиғасына ұшырады. Оқиға желтоқсан айының орта тұсында болған. Алайда, футболшының жұбайы Еркежан Талғатбекова бұл туралы енді мәлімдеп отыр.
«Бөліссем бе екен, бөліспесем бе екен деп ұзақ ойландым. Бәрі мені қайда жоғалып кетті деп сұрап жатыр. Көбіне демалуға бір жаққа кеткенде немесе өмірімде бәрі ғажап сәтке толғанда осылай желіге жазбай кететінмін. Бірақ бұл жолы олай емес. 2024 жылдың 16 желтоқсанында өмірге деген көзқарасымды өзгерткен оқиға болды. Содан бері бір ай өтті. Желтоқсанның 16-сына қараған түні біз отбасымызбен түгел жол апатына ұшырадық. Алайда, бір ғажайыптың арқасында бәріміз аман қалдық. Бұл бір Жаратқанның қалауы, соның ғажайыбы», - деді Еркежан Талғатбекова.
Ол бұл жағдайды Жаратқанның сынағы деп қабылдағанын жеткізді.
«Отбасымызға көз тиді ме, сөз тиді ме білмеймін. Дегенмен, бір өлім аузынан аман қалдық. Мұны да бір сынақ деп қабылдадым», - дейді футболшының әйелі.
Жақында Бауыржан Исламханның ота жасатқанын жазған едік.
31 жастағы футболшы Қазақстан құрамасының Уэльс пен Лихтенштейнге қарсы маңызды матчтарында алаңға шыға алмайды.
Естеріңізге сала кетейік, Бауыржан Исламхан соңғы екі маусымда шымкенттік «Ордабасы» клубының сапында өнер көрсетті. Бұған дейін футболшы «Тараз», «Астана», «Қайрат», Ресейдің «Кубань» және Біріккен Араб Әмірліктерінің «Аль-Айн» клубтарында ойнаған.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
