Самородовты «Ахматқа» Қазақстан құрамасының бұрнығы бас бапкері Магомед Адиев алдыртқан болатын
Қазақстан ұлттық құрамасының шабуылшысы Максим Самородов Грозныйдың «Ахмат» клубы сапында ерекше голмен көзге түсті.
7 наурызда Ресей Премьер-лигасының 20-туры аясында мәскеулік «Локомотив» өз алаңында «Ахматты» қабылдаған болатын. Алаң иелері ойын басында есеп ашқанымен, 40-минутта Самородов екі қорғаушыны оңай алдап өтіп, таблодағы көрсеткішті 1:1-ге жеткізді. Бұл есеп матч аяқталғанға дейін сақталды.
Максим Самородов РПЛ-дың биылғы маусымында өткізген 14 матчта үш рет мергендік танытса, 2025 жылы алғаш рет гол авторы атанып отыр.
«Ахмат» турнирлік кестеде 14-орында келеді, «Локомотив» төртінші сатыға жайғасқан.
