Осылайша соңғы екі жылдағы ел чемпиондары кездесті
Футболдан Қазақстан премьер-лигасының екінші туры басталды. Жарыстың алғашқы күні төрт матч өтті.
Турдың орталық ойынында соңғы екі жылдағы ел чемпиондары кездесті. 2023 жылғы чемпион «Ордабасы» Алматыға қонаққа келді. Бірақ былтырғы чемпиондар қарсыласты аяған жоқ.
Бірінші таймның өзінде үш гол соққан алаң иелері екінші таймда есепті 4:0-ге жеткізді. Соңғы кездері бірнеше легионер алған «Ордабасы» футболшылары шабуылда еш шеберлік көрсете алмады. Қорытынды есеп – 4:0,
Ал Көкшетауда «Оқжетпес» премьер-лигадағы алғашқы үш ұпайына қол жеткізді. Өткен турда «Елімайдан» басым түскен «Атырау» бұл жолы көкшеліктерге есе жіберді.
Сондай-ақ Астанада «Жеңіс» пен «Тобыл», Талдықорғанда «Жетісу» мен «Ұлытау» тең тарқасты. Екі матчта да гол соғылған жоқ.
Енді ертең тағы үш ойын өтеді.
