Енді Еуропа чемпионатына қатысуымыз екіталай
Футзалдан Қазақстан құрамасы ЕURO-2026 іріктеуі аясында сырт алаңда Армениямен кездесіп, жеңіліс тапты.
Кака шәкірттері алаң иелерінің төрт голына небәрі екі голмен жауап қатты. Оның өзінде Қазақстан сапынан тек Дәурен Тұрсағұлов қана мергендік танытса, екінші голды армениялық футзалшы өз қақпасына салды.
Енді отандастарымыз Еуропа біріншілігіне қатысуға мүмкіндік алу үшін өзге құрамалардың нәтижесін күтуге мәжбүр.
Ал Армения алғаш рет Еуроның финалдық кезеңінде өнер көрсетеді. Жолдамаға әр топтан екінші орын алған он команданың сегізі өзара таласады. Қазақстан әзірге бұл құрамалар арасында үшінші орында тұр.
Армения – Қазақстан – 4:2
Қазақстан Еуропа чемпионатына 2016 жылы қатысып, дебютінде қола жүлдегер атанған бірінші құрама болды. 2018 жылғы аламанда жартылай финалмен шектелсек, 2021 жылы өткен біріншілікте ширек финалдан қайттық.
