Оның орнына басқа испандықтың кандидатурасы қарастырылуда
«Манчестер Сити» футбол клубының иелері испан бапкері Хочеп Гвардиоланы отставкаға жіберу туралы шешімге келді деп жазды E-noticies басылымы.
Клуб қожайындары команданың соңғы нәтижелеріне мүлдем көңілі толмаған. Сондықтан, олар Гвардиоланың орнына жаңа бас бапкер тауып қойған көрінеді. Ол – «Барселона» аңызына айналған Сеск Фабрегас.
Фабрегас қазіргі таңда италиялық «Комо» клубын жаттықтырып жүр. Ал, жазда «Манчестер Сити» оған өте тиімді ұсыныс жасайды деп күтілуде.
Айта кетейік, ағылшын клубы Чемпиондар лигасының плей-офф кезеңінен «ұшып кетті». Сондай-ақ, «Мансити» қазір АПЛ-де де жарытып ойнай алмай жүр. Клуб қазір турнирлік кестенің небәрі 5-ші сатысында келеді.
