Қазақстандық жартылай қорғаушы 2023 жылдың жазында түркиялық клубқа қосылған еді
Мәскеулік «Динамо» клубының жаңа ойыншысы Бахтиер Зайнутдинов Түркиядағы «Бешикташ» сапында өткізген уақытына баға берді. Бұл туралы Championat.com жазды.
Қазақстандық жартылай қорғаушы 2023 жылдың жазында түркиялық клубқа қосылған еді. Ол Еуропадағы алғашқы маусымының басын сәтті бастап, бірден негізгі құрамға қосылды.
«Еуропадағы бірінші жылым жаман өткен жоқ, 30 матчқа қатыстым. Өкінішке қарай, одан кейін жарақат алып, жарты жыл бойы алаңға шыға алмадым. Енді ғана бабыма келіп жатырмын. Маусымның басы мен үшін табысты өтті, ал екінші бөлігі жарақат салдарынан сәтсіз болды», - деді Зайнутдинов.
Ол «Бешикташқа» дейін бірнеше маусым бойы Ресейдің ЦСКА клубында өнер көрсеткен. Өткен маусымда Түркияның атақты клубы сапында барлық турнирлерде 12 матч өткізіп, бір нәтижелі пас берген.
Айта кетейік, 28 шілде күні Бахтиер Зайнутдиновтің Ыстамбұлдың «Бешикташынан» Мәскеудің «Динамосына» ауысқаны ресми түрде расталды. Футболшы жаңа клубымен 2029 жылдың жазының соңына дейін келісімшартқа отырды. Құжатта тағы бір маусымға ұзарту мүмкіндігі қарастырылған. Зайнутдинов «Динамода» №19 жейдемен өнер көрсететін болады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
