Бұған дейінгі матчта астаналықтар ҚХЛ чемпионын жеңген болатын
«Барыс» жанкүйерлерінің қуанышы көпке созылған жоқ. Қатарынан екі матчта жеңген астаналық клуб ҚХЛ-дың кезекті туры аясында жарыс аутсайдері «Амурды» қабылдап, ойсырай жеңілді.
Турнир кестесінде «Барыс» пен «Амур» көрші тұр. Хабаровск командасы соңғы 12-орында болса, астаналықтар 11-сатыға нық жайғасқан. Сондықтан букмекерлер бұл матчта «Барыстың» жеңетінін болжаған еді.
Дегенмен, Ғалым Мәмбетәлиев шәкірттері қарсылас қақпасына бірде-бір шайба соға алмай, өз қақпасына үшеуін жіберіп алды.
Бірініш кезеңде командалар мүлдем гол соға алған жоқ. Есесіне екінші кезеңде «Амур» сапынан Гальченюк екі бірдей гол соқса, ойынның үшінші бөлігінде Ли есепті 3:0-ге жеткізді.
Осылайша, плей-офф кезеңіне өтуге үмітті болған «Барыс» маңызды ойында ұпай жоғалтып, турнир кестесіндегі жағдайын әлсіретіп алды. Енді 24 қарашада астаналық клуб өз айдынында «Авангардты» қабылдайды.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
