«Коквитлам Экспресс» клубы оның кәсіби шеберлігіне жоғары баға берген
Қазақстан жастар құрамасының 19 жастағы шабуылшысы Никита Ситников канадалық «Коквитлам Экспресс» клубымен келісімшартқа отырғаны мәлім болды. Аталған команда Британиялық Колумбия хоккей лигасында (BCHL) өнер көрсетеді.
Қазақстан жастар құрамасының шабуылшысы Никита Ситников Канаданың Британдық Колумбия хоккей лигасында (BCHL) өнер көрсететін «Коквитлам Экспресс» клубымен келісімшартқа отырды. Бұл туралы «Всё хоккей Бро» мәлім етті.
Жаңа келісімшарт Никита Ситниковтың мансабындағы маңызды қадам болып отыр. «Коквитлам Экспресс» клубының бас менеджері Тали Кэмпбелл Никита Ситников туралы пікір білдіріп, оның кәсіби шеберлігі жоғары бағаланатынын атады.
«Никита – өте шебер, жылдам әрі ақылды ойыншы. Бұл қасиеттер оған біздің лигада үлкен артықшылық береді. Жанкүйерлер оның ойынын қызықтап көреді деп сенеміз, өйткені біз оның болашағына үлкен үміт артамыз», - деді ол.
19 жастағы шабуылшы биылғы маусымды «Снежные Барсы» командасында бастап, тұрақты чемпионаттың 27 ойынында 5 гол соғып, 6 нәтижелі пас беріп, жалпы саны 11 ұпай жинады. Сонымен қатар, Қазақстан жастар құрамасы сапында әлем чемпионатында 5 ойынға қатысып, 1 гол және 1 нәтижелі пас арқылы 2 ұпай еншілеген еді.
Никита Ситников өнер көрсететін «Коквитлам Экспресс» 2001 жылы құрылған және 2006 жылы BCHL чемпионатында топ жарды.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
