Келесі матчты 10 қаңтарда Оңтүстік Кореяға қарсы ойнайды
Харбинде (Қытай) өтіп жатқан қысқы Азия ойындарында хоккейден Қазақстан құрамасы қатарынан төртінші матчта жеңіске жетті.
Олег Болякин шәкірттері бүгін Жапонияға қарсы ойнаған болатын. Қос команданың қай жеңгені турнир кестесінде көш бастау мүмкіндігіне ие болған.
Матчтағы есепті жапондар ашты. Бірінші кезең басында Масато Окубоның соққан шайбасын Шутов қайтара алған жоқ. Дегенмен, артынша Александр Борисевич есепті теңестірді (1:1).
Екінші кезеңде Әділ Бекетаев пен Евгений Рымарев бір-бір шайбадан соғып, Қазақстанды алға шығарған. Ал, шешуші үшінші кезеңде команда капитаны Роман Старченко төртінші голды соғып, матчтағы нүктені қойды. Қорытынды есеп – 4:1.
Енді Қазақстан құрамасы 10 ақпанда Оңтүстік Кореямен ойнайды. Болякин шәкірттері 4 ойыннан кейін 12 ұпай жинап, көш басында келеді.
