Болякин шәкірттері екінші матчты Германия құрамасына қарсы өткізеді
Шайбалы хоккейден Швеция мен Данияда өтіп жатқан әлем чемпионатының элитиалық дивизионын Қазақстан құрамасы сенсациямен бастады.
Топтағы алғашқы кездесуін Олег Болякин шәкірттері Норвегия құрамасына қарсы өткізген. Норвегтер матч алдында сөзсіз фаворит саналды. Тіпті, бірінші кезеңде соған лайық ойын көрсетіп, Йоханнес Йоханнесен есеп ашқан.
Десе де, екінші кезеңде Қазақстан капитаны Роман Старченко есепті теңестірсе, шешуші үшінші кезеңде Владимир Волков жеңіс голын соғып, отандық жанкүйерлерінің мерейін үстем етті. Қорытынды есеп – 2:1.
Осылайша, ұлттық құрама алғашқы матчында жеңіске жетіп, сенсация жасады. Енді Болякин командасы Германиямен ойнайды.
Жалпы, Қазақстан құрамасы В тобында ойнап жатыр.
Қарсыластары — Финляндия, Чехия, АҚШ, Германия, Дания, Норвегия және Мажарстан. Ойындар Данияның Хернинг қаласында өтеді.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
