Ол қарсыласына жақсы дайындықпен келуге кеңес берді.
Қазақстандық файтер Еркебұлан Тоқтар поп-ММА өкілі Артем Тарасовтың жекпе-жек өткізу туралы ұсынысына жауап берді.
«Артемжан, Octagon лигасына хабарласып, «Тоқтармен төбелескім келеді» деп айт. Бірақ бір нәрсені нақтылап ал: «Тактар» деме, «Тоқтар» де. Әйтпесе басқа адаммен жекпе-жек ұйымдастырып жіберуі мүмкін. Мен - Тоқтармын», - деп әзілмен жауап берді қазақстандық файтер.
Еркебұлан қарсыласына дайындыққа байыппен қарауға кеңес берді.
«Жақсылап дайындалып кел. Никулин сияқты бірден құлап қалма. Бір-екі соққым дәл тиеді, сондықтан сақ болғаның жөн. «Gold» әзірге дайын емес, оған уақыт керек. Ал оған дейін Артем Тарасовпен жұдырықтасуға әбден болады. Давай, Артем, дайындал», - деді Тоқтар.
Сонымен қатар ол әлеуметтік желідегі жазбасында:
«Артем Тарасов, сәуір айында Octagon лигасында. Let’s go», - деп қысқа да нұсқа мәлімдеме жасады.
Айта кетейік, Еркебұлан Тоқтардың соңғы жекпе-жегі 27 желтоқсанда Ташкентте өтті. Ол өзбекстандық Тимур Никулинмен бокс ережесі бойынша кездесіп, бірінші раундтың 72-секундында қарсыласын нокаутқа жіберген еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
