Оның әлем чемпионы титулы америкалық файтерге берілді
Аралас жекпе-жектен UFC лигасында орта салмақтың әлем чемпионы Хамзат Чимаев (БАӘ) титулдық жекпе-жекте америкалық Шон Стриклендтен жеңіліп қалды.
Ньюаркте (АҚШ) өткен UFC 328 турнирінде қос файтер орта салмақтың әлем чемпионы белбеуін сарапқа салған болатын. Бес раундқа созылған жекпе-жектен төрешілер шешімімен Стрикленд жеңімпаз деп танылды.
Осылайша, бұған дейін мүлдем жеңіліп көрмеген Чимаевтың өз рекорды бұзылды. Оның еншісінде 15 жеңіс және бір жеңіліс бар. Ал, Стрикленд болса 31 рет жеңіп, 7 рет жеңілген.
Хамзат бұған дейінгі жекпе-жегінде Дрикус дю Плессиді жеңіп, орта салмақта әлем чемпионы атанған болатын. Ал, Стрикленд болса Энтони Эрнандеске қарсы нокаут тіркеп, белбеуге үміткер атанған еді.
Хамзат Чимаев Шешенстан (Ресей) тумасы. Жастайынан ол отбасымен Швецияға қоныс аударған. 2023 жылдан бері Біріккен Араб Әмірліктерінің атынан өнер көрсетіп жүр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
