Ол бұған дейінгі 5 жекпе-жегінің бәрін Alash Pride лигасында өткізген еді
Аралас жекпе-жектен қазақстандық файтер Нұрхан Жұмағазы (5-0) Абу-Дабиде өткен UAE Warriors 51 турнирінде өнер көрсетіп, украиналық спортшыдан жеңіліп қалды.
Отандасымыздың қарсыласы Владислав Руднев те бұрын жеңіліп көрмеген. Бұған дейінгі тоғыз кездесудің бәрінде ол жеңіске жеткен. Бұл жолы да қазақ файтерін мерзімінен бұрын ұтып, рекордын 10-0 етті.
Жекпе-жек екінші раундта аяқталды. Руднев Жұмағазыны жерге құлатып, қылқындыру әдісін жасаған. Төреші кездесуді тоқтатуға мәжбүр болды.
Айта кетейік, Нұрхан Жұмағазы бұған дейінгі 5 жекпе-жегінің бәрін Alash Pride лигасында өткізіп, жеңіске жеткен.
