Шавкат Рахмоновқа жаңа қарсылас табылды

Алмас Ахметов

Автор

Бүгін, 11:41

Рахмонов – Гэрри жекпе-жегі Лас- Вегастағы UFC 310 кешінің басты кездесуі болмақ

mma.express

Қазақстандық танымал файтер Шавкат Рахмоновтың желтоқсан айында болатын жекпе-жегіне қарсылас тапты.

Х әлеуметтік желісіндегі MagicM_MMABets парақшасы қазақстандық файтер Шавката Рахмоновтың (18-0) келесі қарсыласы ирландиялық Иэн Мачадо Гэрри (15-0) болады деп болжап отыр.

Дереккөздің мәліметінше, жекпе-жекте промоушеннің уақытша чемпиондық белбеуі сарапқа салынады. Рахмонов – Гэрри жекпе-жегі Лас- Вегастағы UFC 310 кешінің басты кездесуі болмақ.

Айта кетейік, 7 желтоқсанда Лас-Вегастағы UFC 310 турнирінде Шавкат Рахмонов әлем чемпионы Белал Мухаммадпен төбелесуі керек болған. Алайда, америкалық файтер ауыр жарақат алғанын айтып, бұл жекпе-жекті кейінге шегерді. Осыған байланысты UFC Шавкаттың командасына басқа қарсылас табуды ұсынып, сарапқа әлемнің уақытша чемпионы атағын салатынын мәлімдеді.