Оның үстінен қылмыстық іс қозғалуы мүмкін
Ауыр салмақта UFC-дің бұрынғы чемпионы камерундық Фрэнсис Нганну мотоциклмен адам қағып өлтірді деп жазады Le Bled Parle.
Оқиға Камерунда болған. Спортшы мотоциклмен келе жатқанда алдынан шыққан бойжеткенді байқамай қағып кеткен. Дегенмен, дереу ауруханаға жеткізіп, алғашқы медициналық көмек көрсетілгенімен, дәрігерлер оның өмірін аман сақтап қала алмады.
Артынша анықталғаны, қайтыс болған қыз – 17 жастағы Нтсама Брижит Мануэлла есімді жергілікті тұрғын. Нганну оны жерлеу рәсімі мен ауруханаға кеткен шығындарды өз мойнына алған.
Қазіргі таңда полиция қылмыстық іс қозғау мәселесін қарастырып жатыр. Бұл туралы қосымша ақпарат таратуға уәде етті.
