Маддалена Шавкат Рахмоновпен айқасуды мақсат етіп отыр
UFC жартылай орта салмағындағы әлем чемпионы Джек Делла Маддалена келесі қарсылас ретінде қазақстандық Шавкат Рахмоновпен жекпе-жек өткізгісі келетінін мәлімдеді.
Аустралиялық файтер бұл пікірін экс-чемпион Исраэль Адесаньяның подкастында айтты. Спортшылар жартылай орта салмақтағы қазіргі жағдайды талқылап, алдағы жоспарларымен бөлісті.
Маддалена алдағы екі аптадан кейін өз белбеуін алғаш рет қорғауға шығады. Оның қарсыласы — жеңіл салмақтың бұрынғы чемпионы Ислам Махачев, ол жоғары салмақ дәрежесіне көтерілгеннен кейін жаңа белесті бағындырмақ. Ал Маддалена бұл кездесуден кейін Шавкат Рахмоновпен айқасуды мақсат етіп отыр.
«Әр жекпе-жек — жаңа тәжірибе. Иә, сен дұрыс айтасың — Исламмен кездесу мені Шавкатқа дайындайды. Бірақ олар — мүлде бөлек спортшылар. Рахмонов биік әрі күшті. Онымен әрқашан айқасқым келді. Ол алғаш рет UFC-де өнер көрсеткен сәттен бастап назар аудардым. Сол кезде-ақ оның бұл ұйымды бағындыратынын түсіндім. Біздің жолымыз түбі түйіседі деп сендім», — деді чемпион.
Маддалена сондай-ақ өзінің Шавкат Рахмонов сияқты әзірге жеңіліп көрмеген қарсыласты жеңуге қабілетті екенін атап өтті.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
