Хабиб Нурмагомедов октагондағы соңғы жекпе-жегін 2020 жылдың қазан айында өткізген
UFC-дің жеңіл салмақтағы бұрынғы чемпионы Хабиб Нурмагомедов өзінің ММА-дегі бапкерлік қызметін қашан аяқтайтынын мәлімдеді.
Атақты спортшының айтуынша, ол бапкер ретінде жұмысты өз шәкірттері – Ислам Махачев, Умар Нурмагомедов және Усман Нурмагомедов мансабын аяқтағанға дейін ғана жалғастырмақ.
«Менің ММА-дегі басты басымдықтарым – Усман, Умар және Ислам. Олар мансабын аяқтаған сәтте мен де кетемін», — деді Нурмагомедов.
Еске салайық, Хабиб Нурмагомедов октагондағы соңғы жекпе-жегін 2020 жылдың қазан айында өткізген болатын. Ол кезде ресейлік файтер америкалық Джастин Гэтжиді жеңіп, 29-0 есебімен жеңілмеген рекордтық нәтижемен спорттық мансабын аяқтаған еді.