ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Үздік шахматшы Самарқандта анықталады
Өзбекстандық гроссмейстер Жавохир Синдаров Халықаралық шахмат федерациясының (FIDE) нұсқасы бойынша жылдың үздік шахматшысы атағына басты үміткерлердің қатарына кірді.
20 жастағы шахматшы FIDE Excellence Awards жүлдесінің қысқа тізіміне енген. Онымен бірге үміткерлер қатарында әлемнің бұрынғы чемпионы Магнус Карлсен, америкалық Фабиано Каруана, өзбекстандық Нодирбек Абдусатторов, сондай-ақ Үндістан, Франция, Нидерланд және Германияның жетекші шахматшылары бар.
Үміткерлерді арнайы комиссия соңғы екі жылдағы спортшылардың нәтижелері мен тұрақты көрсеткіштеріне қарай таңдаған.
Синдаровтың бұл тізімге енуіне соңғы жылдардағы жетістіктері себеп болды. Ол 13 жасқа толмай жатып гроссмейстер атанып, 2022 жылы шахмат олимпиадасында Өзбекстан құрамасымен алтын медаль жеңіп алды.
2025 жылы Гоада өткен FIDE әлем кубогында жеңіске жетіп, турнир тарихындағы ең жас чемпион атанды. Ал 2026 жылы Кипрде өткен Үміткерлер турнирінде жеңісті мерзімінен бұрын қамтамасыз етті.
Осы нәтижелердің арқасында Синдаров әлемдік рейтингте төртінші орынға көтерілді. Сонымен қатар ол биыл әлем чемпионы Гукеш Доммараджумен шахмат тағына таласатын матчқа жолдама алды.
Жүлде иегерінің есімі күзде Самарқандта өтетін 46-шы Дүниежүзілік шахмат олимпиадасы аясындағы марапаттау рәсімінде жарияланады.
Ордабасы
Кайрат
Астана
Окжетпес
Актобе
Елимай
Улытау
Кызылжар
Женис
Каспий
Тобол
Атырау
Кайсар
Жетысу
Иртыш
Алтай
