Оның денесін АҚШ-тан Қазақстанға алып келу жұмыстарымен елшілік айналысып жатыр
Еркін күрестен 2014 жылғы жасөспірімдер Олимпиадасының чемпионы Мұхамбет Қуатбек қайтыс болды. Өлімнің себебі әзірге белгісіз, деп жазады Sportbugin.kz.
27 жастағы спортшы жасөспірімдер арасында айтарлықтай табысқа жеткен. Ол 2014 жылы Нанкинде өткен жасөспірімдер Олимпиадасында топ жарып, кейін жасөспірімдер арасында Азия чемпионы, әлем чемпионатының қола жүлдегері атанды.
Соңғы жылдары Мұхамбет күрестен Қазақстан чемпионаттарында көрінген жоқ. Себебі, спортшы бірнеше жыл бойы АҚШ-та тұрған. Бұл туралы спорт журналисі Данияр Кәрімжан мәлімдеді.
«Мұхамбет балуан 16 наурыз күні АҚШ-та көз жұмды. Ол соңғы екі жылда Филадельфияда тұрған. Оның неден қайтыс болғаны белгісіз. Қазіргі таңда балуанның денесін елге әкелу мәселесімен елшілік айналысып жатыр», — деді журналист.
Қазақстан күрес федерациясының баспасөз хатшысы Аспандияр Есенжолов та ақпаратты ресми түрде растады.
«Өкінішке қарай, осындай хабар алып отырмыз. Тәуелсіз Қазақстан тарихында еркін күрестен жасөспірімдер Олимпиадасында топ жарған балуанымыз Мұхамбет Қуатбек өмірден өтті. Туыстары мен ата-анасына қайғыра көңіл айтамыз. 27 жастағы балуан соңғы жылдары АҚШ-та өмір сүрді», — деді Есенжолов.
Айта кетелік, жасөспірімдер Олимпиадасының финалында Мұхамбет америкалық спортшыны жеңген болатын.
Ордабасы
Актобе
Кайрат
Кайсар
Тобол
Елимай
Атырау
Жетысу
Астана
Кызылжар
Туран
Женис
Шахтёр
-
