Отандасымыз венгр балуаны Аттила Унгрвариге есе жіберді
81 келіде белдескен отандасымыз енді жарысты аяқтап, жүлдеден тыс қалды. Ол бірінші айналымда венгр балуаны Аттила Унгрваримен шеберлік байқасқан еді.
Кездесудің негізігі уақытында екі балуан да нәтижелі әдіс жасай алмады. Осылайша жеңімпаз қосымша уақытта аяқталды. Төрешіден екі ескерту алып, әдіс жасауға көшкен Абылайханнан қарсыласы қарымта шабуылмен ұпай алып кетті.
Бұған дейін Олимпиада татамиіне 3 балуанымыз шыққан болатын. Олардың арасында 60 келіде Елдос Сметов чемпион атанса, 66 келіде Ғұсман Қырғызбаев қола жүлдеге ие болды. Ал кеше 73 келіде Данияр Шамшаев күресіп, алғашқы кезеңде Өзбекстан өкіліне жол берді.
