Серік Жарасбаев Туризм және спорт вице-министрі болып тағайындалды

29.11.2023, 17:56

Ол дәл осы қызметтен биыл ақпан айында кеткен болатын

Серік Жарасбаев Туризм және спорт вице-министрі болып тағайындалды
Үкіметтің баспасөз қызметі

Туризм және спорт министрлігіне жаңа вице-министр тағайындалды. Аталған лауазымға Үкімет қаулысымен Серік Жарасбаев кірісті. Шенеунік бұған дейін министрлікте жауапты қызметтерді атқарған болатын.

Еңбек жолы спорт саласына тікелей байланысты ол әр жылдары Спорт және дене шынықтыру істері агенттігі департаментінің басқарма басшысы, Жоғары жетістіктер спорты және спорт резерві департаментінің директоры, Спорт және дене шынықтыру істері комитеті төрағасының орынбасары, Спорт және дене шынықтыру істері комитетінің төрағасы, комитет төрағасының орынбасары, Мәдениет және спорт вице-министрі лауазымдарын атқарды.

Биыл ақпан айында қызметінен босатылған С.Жарасбаев наурызда «Алматы» олимпиадалық даярлау орталығының директоры қызметіне бекітілген болатын. Араға 8 ай уақыт салып ол бұрынғы қызметіне қайта оралып отыр.

Бұл туралы не ойлайсыз?
Ұнайды 0
Ұнамайды 0
Күлкілі 0
Ашулану 0
×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! / Қазақ баласы қашан NHL-да ойнайды?