Балуандар 8 тамыз күні сағат 15:00-де жарысты бастайды
Париж Олимпиадасында еркін күрестен ертең жарысқа шығатын Қазақстан балуандарының қарсыластары анықталды.
57 келіде ұлттық құраманың балуаны Мейрамбек Қартбай 1/8 финалда қырғыз спортшысымен күш сынасады. Егер ширек финалға өтсе, Қытай-АҚШ балуандары жұбының жеңімпазымен кездеседі.
86 келіде әлем чемпионатының екі дүркін жүлдегері Азамат Дәулетбеков бірінші айналымда АҚШ балуаны Араон Брукспен күреседі. Америкалық балуан есімі белгісіз болғанымен, АҚШ-тың ішкі іріктеуінде осы салмақтың әлем бойынша үздігі Дэвид Тейлорды ұтқан.
Балуандар 8 тамыз күні сағат 15:00-де жарысты бастайды. Бүгін грек-рим күресінен сынға түскен Нұрсұлтан Тұрсынов екінші айналымда Олимпиада чемпионы Жан Беленюкке есе жіберді.
Сондай-ақ, кешкі 21:00-де классикалық күрестен 77 келіде Демеу Жадыраев финалда белдеседі.
Кайрат
Актобе
Елимай
Ордабасы
Кайсар
Астана
Тобол
Атырау
Кызылжар
Жетысу
Туран
Женис
Шахтёр
-
