Ол Париж Олимпиадасына қатыса алған жоқ
Париж Олимпиадасынан тыс қалған Ресейдің танымал балуаны Абдулрашид Садулаев әлем чемпионатына қатысатын болды.
Еркін күрестен екі дүркін әлем чемпионы атанған ол бұл жолы олимпиадалық емес болып саналатын 92 келі салмақ дәрежесінде белдеспек. Спортшы бүгін өз елінің құрамасында өткен іріктеуде жеңіске жетті. Енді ол қазан айының соңында Тиранада өтетін әлем чемпионатында сынға түседі.
Айта кететін жайт, 92 келіде АҚШ-тың белгілі балуаны, 86 келіде Токио Олимпиадасының және әлемнің 3 дүркін чемпионы Дэвид Тейлор да белдеседі.
Садулаев 2013-2016 жылдары 86 келіде белдесіп барлық маңызды жарыстарды ұтты. Оның ішінде Рио Олимпиадасы, екі әлем чемпионаты мен Еуропа ойындары секілді турнирлер бар. Ал 2018 жылы 92 келіде Ярыгин турнирінде және Еуропа чемпионатында топ жарған. Кейін ол 97 келіде белдесіп, Токио Олимпиадасында жеңімпаз атанды.
