26 жыл бойы Волейбол федерациясын басқарған Нұртай Әбіқаев қызметінен кетті

Қазақстан волейбол федерациясында басшы ауысты. Бұған дейін федерацияда 26 жыл бойы президент лауазымын атқарып келген 77 жастағы Нұртай Әбіқаев ақыры орнын босатты. 

Федерацияның есептік-сайлау конференциясында 2028 жылға дейін федерация тізгінін ұстайтын адам анықталды. Негізі бұл сайлауға үш үміткер қатысты:

1. Амандық Баталов;
2. Мәди Такиев;
3. Бақытжан Байтөреев.

Сайлау нәтижесінде басым дауыспен қаржы министрі Мәди Такиев федерация президенті болып сайланды. 

Мәди Такиев 1978 жылы 1 сәуірде Алматы облысында туған.

Білімі:

• 1998 ж. – Қазақ мемлекеттік басқару академиясын бітірген. сондай-ақ атындағы университетті бітірген.
• 2005 ж. – Д. Қонаев атындағы гуманитарлық университетті, «Құқықтану» мамандығы бойынша бітірген
• 2011 ж. – Халықаралық бизнес университетін, «Іскерлік әкімшілдендіру магистрі» мамандығы бойынша оқыған.

Еңбек жолы:

• 1998-2012 жж. – Алматы қаласы бойынша салық департаментінде жұмыс істеген.
• 2012-2013 жж. – Қазақстан Республикасы қаржы министрлігінің салық комитеті басқармасының бастығы.
• 2013-2014 ж. – Ұлттық экономика министрлігінің салық және кеден саясаты департаментінің директоры.
• 2014 ж. – Қазақстан  Премьер-министрі кеңсесінің әлеуметтік-экономикалық бөлімінің бас кеңесшісі.
• 2014-2017 жж. – Атырау облысы бойынша мемлекеттік кірістер департаментінің басшысы.
• 2017-2019 жж. – Қазақстан Республикасы қаржы министрлігі мемлекеттік кірістер комитетінің салықтық бақылау департаментінің директоры.
• 2019 жылдың 12 наурызынан – Қазақстан Республикасы ұлттық экономика вице-министрі.
• 2020-2023 жылдары – ҚР Президенті Әкімшілігінің Әлеуметтік-экономикалық мониторинг бөлімінің меңгерушісі.
• 2023 жылғы наурыздан бастап – VII сайланған ҚР Парламенті Мәжілісінің депутаты, ҚР Парламенті Мәжілісінің Қаржы және бюджет комитетінің төрағасы, ҚР Парламенті Мәжілісіндегі «AMANAT» партиясы фракциясының мүшесі.
• 2024 жылғы ақпан айынан бері – қаржы министрі.

Нұртай Әбіқаев болса Қазақстанның экс-президенті Нұрсұлтан Назарбаевтың жақын серіктерінің бірі саналады. Ол еңбек өтілінде ҚР Ұлттық қауіпсіздік комитетін, Президент Әкімшілігін басқарды, Сенат депутаты болды.