Португалия футбол федерациясы Роналду мен Феликстің ұлттық құрамаға қосылуына рұқсат сұрады
Португалия футбол федерациясы Сауд Арабиясының «Әл-Наср» клубының басшылығына Криштиану Роналду мен Жоау Феликстің қараша айындағы Ұлттар лигасының матчтарына дайындалу үшін ұлттық құрамаға қосылуына рұқсат беру туралы ресми өтініш жолдады. Бұл туралы Ariyadhiah басылымы хабарлады.
Топтық кезең аясында Португалия құрамасы 14 қарашада Даниямен, ал үш күннен кейін Уэльспен кездеседі. Екі матч та топтағы қорытынды турнирлік жағдайға әсер етуі мүмкін.
Роналдудың ұлттық құрамаға шақырылуына қатысты жағдайға ерекше назар аударылып отыр. Бұған дейін 41 жастағы шабуылшы мен команда бапкерлері арасында түсініспеушілік болған. 27 қыркүйекте Норвегияға қарсы Ұлттар лигасының кездесуінде бас бапкер Жорже Жезуш футболшыны алаңға шығуға дайындалуға жібергенімен, оған ойын уақытын бермеген.
Үш күннен кейін, 30 қыркүйекте Роналду ұлттық құраманың орналасқан жерінен оқу-жаттығу жиыны аяқталмай тұрып кетіп қалған. Ал 6 қазанда футболшы ресми мәлімдеме жасап, бұл әрекетін түсіндірді. Ол бапкердің өзіне бұрын берген уәдесін орындамағанын айтты.
Осы оқиғадан кейін Португалия футбол федерациясы ұлттық құраманың капитанына тәртіптік жаза қолданды. Роналду 30 күнге ұлттық құрама матчтарына қатысудан шеттетіліп, 255 еуро көлемінде айыппұл төлеген.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Жеңіс
Каспий
Қызылжар
Ертіс
Алтай
Атырау
Жетісу
Қайсар
