Оның туған жерінде Ғұсман Қырғызбаев атындағы республикалық турнир өтті
Дзюдодан Париж олимпиадасының қола жүлдегері Ғұсман Қырғызбаев тағы да көлікті болды. Бұл жолы даңқты спортшыға жерлестері су жаңа «HAVAL» автокөлігінің кілтін табыстады.
Айта кетейік, Ғұсман Қырғызбаев Түркістан облысы Ордабасы ауданына дүниеге келген. Күні кеше осы ауданның орталығында дзюдодан жасөспірімдер арасында Ғұсман Қырғызбаев атындағы республикалық турнир мәресіне жетті. Айтулы жарыстың ашылу салтанатына Олимпиада жүлдегерінің өзі келген.
Турнир барысында Ордабасы ауданының атынан жергілікті кәсіпкерлер Қырғызбаевқа автокөліктің кілтін берді. Дзюдошы көлікті сол жерде тізгіндеп, ел ағаларына алғысын айтты.
Айта кетейік, Ғұсман Қырғызбаев Париж олимпиадасында 66 келіде қола жүлдегер атанды. Ол сондай-ақ, әлем чемпионатының күміс және Азия чемпионатының екі дүркін қола жүлдегері.
Парижден елге оралғаннан кейін оған демеушілер бірнеше автокөлік мінгізіп үлгерген.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
