2025 жылы отандық дзюдошылар алғаш рет жарыста бақ сынағалы отыр
14-16 ақпан күндері Әзербайжан астанасы Бакуде дзюдодан Гран Слэм турнирі өтеді. Бұл бәсекеге Қазақстанның дзюдошылары да қатысады.
Баку Гран Слэм турнирі қазақстандық дзюдошылардың биылғы алғашқы жарысы болмақ. Халықаралық дзюдо федерациясының (IJF) ресми сайтына әзірге қазақстандық 3 дзюдошы қатысуға өтінім берген. Олар: Берікұлы Әділбек (66 келі), Ислам Тоқтасын (73 келі), Ратаев Қуаныш (90 келі). Аталған дзюдошылар – еліміздің 4-5 бесінші нөмерлі балуандары.
Баку қаласында дзюдодан әлемдік Grand Slam жарысы 2013 жылдан бері ұйымдастырылып келеді. Аталған турнир тек 2018 және 2020 жылдары ғана өтпеді. Ал, Қазақстан құрамасы аталған турнирге тек 2019 жылы қатыспады.
Жалпы, қазақстандық дзюдошылар Баку татамиінде 3 алтын, 2 күміс, 4 қола медаль алған.
