Іріктеу кезеңі 18 наурызда өтеді
Фристайл-могулдан Қазақстан құрамасының бапкерлер штабы Энгадиндегі (Швейцария) әлем чемпионатына қатысатын құрамды жариялады.
Биылғы маусымның ең ірі жарысында еліміздің намысын жеті спортшы қорғайды: Юлия Галышева, Анастасия Городко, Юлия Феклистова, Павел Колмаков, Антон Бондарев, Федор Бугаков, Максим Емельянов.
Іріктеу кезеңі 18 наурызда өтеді. Негізгі жарыстар 19 наурызда басталады. Параллель могулдағы жүлделер 21 наурызда сарапқа салынады.
