Соңғы 46 жыл бойы «Лейкерс» клубы Басс әулетіне тиесілі болып келді
АҚШ-тың атақты баскетбол клубы «Лос-Анджелес Лейкерстің» жақын арада иесі ауысады. Команданың бақылаушы үлесі рекордтық 10 миллиард долларға Марк Уолтерге сатылмақ. Уолтер «Доджерс» атты регби клубының да иесі.
Соңғы 46 жыл бойы «Лейкерс» клубы Басс әулетіне тиесілі болып келді, енді олар негізгі үлесті кәсіпкер Марк Уолтерге сату туралы шешім қабылдаған. ESPN мәліметінше, клубтың 15 пайыздық акциясы бұрынғы иелерінің меншігінде қалады, бірақ кейін оны да сату мүмкіндігі бар. Джини Басс клубтың басқарушысы қызметін уақытша атқара тұрады.
Болашақ келісім сомасы АҚШ-тағы спорт клубтары үшін рекордтық көрсеткіш болмақ. Айта кетейік, Марк Уолтер бес жыл бұрын «Лейкерс» клубының 26 пайыздық үлесін сатып алған еді.
Басс әулетінің басшылығымен «Лос-Анджелес Лейкерс» клубы 11 рет ҰБҚ чемпионы атанды. Қазіргі таңда команданың басты жұлдыздары - Леброн Джеймс пен Лука Дончич.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
