Ең бірінші ойында жерлестеріміз 18:8 есебімен Польшаны жеңген болатын
Оңтүстік Кореяның Канвон қаласында өтіп жатқан жасөспірімдердің Олимпиада ойындарында Қазақстан хоккейшілері (3х3 форматында) қатарынан үшінші мәрте жеңілді.
Бұл жолы біздің ұлттық құрама Данияның жас хоккейшілерімен кездесіп, 6:8 есебімен есе жіберді. Бұған дейін олар Австрия (8:9) мен Латвиядан (11:15) жеңілген болатын.
Бүгін жерлестеріміз Қытайлық Тайбэй құрамасымен айдынға шығады.
