Әмір Омарханов ATP рейтингінде 15 сатыға көтерілді
Қазақстандық теннисшілердің ATP рейтингіндегі орны жаңарды. Александр Бублик 25-сатыдағы орнын сақтаса, Александр Шевченко мен Тимофей Скатов жоғары көтерілді. Ал ең үлкен өсімге 18 жастағы Әмір Омарханов қол жеткізді.
Бублик 2026 жылғы маусымды жарақатына байланысты мерзімінен бұрын аяқтаған болатын. Ол Almaty Open турнирінің жартылай финалында ресейлік Даниил Медведевке қарсы кездесуді аяғының жарақатына байланысты жалғастыра алмады. Содан бері кортқа шыққан жоқ.
Әлемдік рейтингтің көшбасшылар үштігінде өзгеріс жоқ. Германиялық Александр Зверев бірінші орнын сақтаса, италиялық Янник Синнер екінші, испаниялық Карлос Алькарас үшінші орында қалды.
Қазақстандықтар арасында Александр Шевченко жеті сатыға жоғарылап, 609 ұпаймен үздік жүздікке енді. Ол қазір 100-орында тұр. Тимофей Скатов та төрт орынға көтеріліп, 290 ұпаймен 193-сатыға жайғасты.
Денис Евсеев 98 ұпаймен 469-орнын сақтап қалды. Дмитрий Попко екі сатыға жоғарылап, 89 ұпаймен 493-орынға көтерілді. Ал Бейбіт Жұқаев 11 орын жоғалтып, 79 ұпаймен 531-сатыға сырғыды.
Рейтингтегі ең қарқынды өсім 18 жастағы Әмір Омархановтың еншісінде. Жас теннисші бірден 15 сатыға көтеріліп, 63 ұпаймен 599-орынға жайғасты. Григорий Ломакин керісінше, бір орынға төмендеп, 30 ұпаймен 861-сатыға тұрақтады.