Бұған дейін олар өзара екі рет кездесіп, екеуінде де Путинцева жеңген
Испания астанасында өтіп жатқан WTA 1000 - Mutua Madrid Open турнирінің ширек финалында қазақстандық қос теннисші өзара кездесетін болды. Бүгінгі 1/8 финалдық ойындарда Елена Рыбакина да (№4), Юлия Путинцева да (№50) қарсыластарын жеңіп, келесі айналымға шығып отыр.
Кортқа алдымен Рыбакина шыққан. Ол чех теннисшісі Сара Бэйлекті (№136) оңай жеңді, есеп – 6:1, 6:3. Матч 1 сағат 16 минутқа созылды.
Ал, Путинцева болса ресейлік Дарья Касаткинамен (№11) өзара мықтыны анықтаған еді. Алғашқы сет Касаткинаның жеңісімен аяқталды (6:3). Ол 0:3 есебімен жеңіліп тұрып, қатарынан алты геймді өз пайдасына шешті Қалған екі сетте Юлия Путинцева ойынды өз қолына алып, 6:2, 6:2 есебімен қорытынды нәтижені шығарды.
Бұл матч 1 сағат 53 минутқа созылды.
Ертең кортқа Рыбакина мен Путинцева шығып, жартылай финалдың жолдамасын сарапқа салады.
Актобе
Кайрат
Елимай
Жетысу
Ордабасы
Астана
Тобол
Кызылжар
Женис
Атырау
Туран
Кайсар
Шахтёр
-
