![Зарина Диас Варшавадағы турнирде керемет камбэк жасады](https://1bol.kz/cache/imagine/1200/uploads/news/2024/07/24/66a0927e0cbbf112170346.jpg)
Қазір ол әлемдік рейтингте 649-орында тұр
Варшавада өтіп жатқан Челленджер сериясындағы турнирдің алғашқы айналымында қазақстандық теннисші Зарина Дияс жеңіске жетті.
Ол кортта польшалық теннисші Мартина Кубкамен кездесіп, үш сеттің нәтижесі бойынша 3:6, 7:6, 7:6 есебімен жеңіске жетті. Ойын 2 сағат 59 минутқа созылды.
Қазір ұзақ үзілістен кейін тенниске оралған қазақстандық спортшы WTA рейтингі бойынша 649-орында, ал оның 23 жастағы қарсыласы 305-орында тұр.
Айта кетейік, осыған дейін Зарина «Уимблдон» турнирінің іріктеу кезеңінде өнер көрсетіп, негізгі айналымға өте алмаған еді.