Финалға шығу үшін ол орыс теннисшісін жеңуі керек
Ұзақ үзілістен кейін жуырда ғана кортқа қайта оралған қазақстандық теннисші Зарина Дияс Түркияның Кайсери қаласында өтіп жатқан ITF W50 турнирінің жартылай финалына шықты.
Әлемдік рейтингте 488-ші орында тұрған отандасымыз ширек финалда түрік теннисшісі Дениз Дилекпен өзара мықтыны анықтаған еді. Бұл сында Дияс 2:0 есебімен басымдық танытып, өз мүмкіндігін мүлт жібермеді.
Алғашқы сетте Зарина Диас 6:0 есебімен айқын жеңіске жетсе, екінші кезеңде 6:2 нәтижесін тіркеді.
Енді отандасымыз финал жолдамасын ресейлік Екатерина Маклаковамен бірге сарапқа салады. Айта кететін жайт, орыс спортшысы әлемдік рейтингте 485-ші орында тұр.
