Жарыстың жүлде қоры 15 мың АҚШ долларын құрайды
Қазақстандық жас теннисші Әмір Омарханов Тунисте өтіп жатқан ITF сериялы турнирінінің бірінші айналымында алжирлік Самир Хамзаны жеңді.
Үш сағатқа созылған тартысты матчта Әмір бірінші сетте есе жібергенімен, келесі екі сетте сәтті өнер көрсетіп, 3:6, 7:6 (9:7), 7:5 есебімен матчты аяқтады.
Әмір Омарханов келесі кезеңде Константин Биттун-Кузьмин – Лука Констагнола жұбының жеңімпазымен кортқа шығады. Жеңсе ширек финалға жолдама алады.
Айта кетейік, Әмір Омарханов жасөспірімдер арасындағы рейтингте 11-орында, ал АТР рейтингінде 1036-орынға жайғасқан. Сондай-ақ, ол биыл қаңтарда өткен Australian Оpen Juniors турнирінде ширек финалға бір қадам жетпей қалған еді. Ол кезде қазақ теннисшісі швед Уильям Рихтманнан 4:6, 6:4, 7:6 есебімен жеңілді.
Тунисте өтіп жатқан турнирдің жүлде қоры 15 мың долларды құрайды.
