Өзбекстандықтар Абдукодир Хусановқа көңіл айтты
Абдукодир Хусановтың атасы өмірден өтті
Өзбекстан құрамасы мен «Манчестер Сити» қорғаушысы Абдукодир Хусановтың атасы Хусан Хошимов өмірден өтті.
Қайғылы жағдай туралы Ташкенттің «Бунёдкор» клубының баспасөз қызметі хабарлады. Хусан Хошимов клубтың U-19 командасының бас бапкері Хикмат Хошимовтың әкесі әрі Абдукодир Хусановтың атасы болған.
«Хикмат Хошимовтың әкесінің дүниеден өтуіне байланысты оның туған-туыстары мен жақындарына шын жүректен көңіл айтамыз. Марқұмның жатқан жері жайлы болсын», – делінген клуб хабарламасында.
Айта кетейік, Абдукодир Хусановтың әкесі Хикмат Хошимов футболдағы мансабын 1990-жылдардың ортасында Ташкенттің МХСК клубында бастаған. Кейін «Согдиана», «Локомотив», «Әндіжан» және Өзбекстанның басқа да командаларында ойнаған.
22 жастағы Абдукодир Хусанов қазір «Манчестер Сити» сапында 45-нөмірмен өнер көрсетеді. Ол Англия Премьер-лигасында ойнаған алғашқы өзбекстандық футболшы атанды.
Қорғаушы «Манчестер Ситиге» 2025 жылдың қаңтарында ауысып, кейін команданың негізгі құрамынан өз орнын тапты.