«Қиын шешімдер қабылдауға тура келді». Боранбаев мәлімдеме жасады
«Қайрат» ФК көптен күткен чемпионатын тойлап жатыр
«Қайрат» клубының бақылау кеңесінің төрағасы Қайрат Боранбаев Қазақстан премьер-лигасының 2024 жылғы жеңімпаздарына арнап жазба жариялады.
Естеріңізде болса, Алматы клубы биылғы маусымның соңғы турында қонақта «Атыраудан» басым түсіп, чемпиондық атақты иеленген болатын. Осы орайда команда басшысы Боранбаев жігіттерге алғысын жеткізген.
«Қайрат» ФК көптен күткен чемпионатын тойлауда. Мен жігіттермен кездесуге қатысып, бұл жеңістің олар үшін қаншалықты маңызды екенін көрдім. Осы жетістікке атсалысқандардың барлығына – негізгі команданың ойыншылары мен жаттықтырушыларына, Академия қызметкерлері мен клуб қызметкерлеріне алғыс айтқым келеді. Бұл күнделікті ортақ күш-жігердің нәтижесі. 250 адамның әрқайсысы спорт ұйымы ретінде клуб жұмысына атсалысты», - деп жазды ол.
Боранбаев мұндай нәтижеге жету үшін көптеген күрделі шешім қабылдауға тура келгенін де алға тартты. Тіпті сол үшін бірнеше рет бас бапкерді ауыстырғанын да қоса кетті.
«Қайрат» – әрқашан тек алтын медальдар үшін күресетін команда, бірақ биылғы маусымның құндылығы тек бірінші орында ғана емес, чемпиондық атаққа қол жеткізген жағдайда да. Маусым барысында бас бапкерімізді бірнеше рет ауыстырып, үнемі жаңа жағдайларға бейімделіп, қиын шешімдер қабылдауға тура келді.
Чемпионатта маңызды рөл атқарған шәкірттерімізді ерекше атап өткен жөн. Ең қиын сәттерде олардың қатысуы маңызды болып, бұл «Қайраттың» жеңімпаздар мен жоғары спорттық жетістіктерге ұмтылған нағыз кәсіби мамандарды тәрбиелеуге қабілетті ерекше клуб екенін көрсететін тағы бір көрсеткіш», - деп қосты ол.
Қайрат Боранбаев бұл жеңісте жанкүйерлердің де үлесі барын тілге тиек етіп, енді клуб Чемпиондар лигасында лайықты өнер көрсетуге тырысатынын айтып сендірді.
«Бұл атақты сіздерге де арнағым келеді. Қиын кезеңдерде сіздер бізбен бірге болдыңыздар. Жеңіспен аяқталған матчтан кейін ойыншылар үйге таңғы бесте ұшып келді, бірақ сол уақытта да жанкүйерлер оларды әуежайда күтіп тұрған. Енді мен барлығының осы сәттен ләззат алғанын қалаймын, өйткені лайықты атағын қайтарып алған соң, біз клубтағы жетістіктерді одан әрі нығайтуға дайынбыз. Енді Чемпиондар лигасына қайта ораламыз және жанкүйерлерімізді Еуропаның ең беделді турнирінде қуантуға бар күшімізді саламыз», - деп қорытындылады сөзін.